Möchte Band gründen, suche Gitarrist/Pianist/Schlagzeuger/Bassist (Pop, RnB, Pop-HipHop)
Hallo zeme
Ich bi d Shelly, 24i und sueche lüt wo eifach gern Musig machet und Bock hend das als Hobby zmache.
Es wär super, wenn zwüsche ich seg mal 18-30i bisch, ich bin da recht offe. Ich bin selber vo Züri und es wär au super, wenn dBandmitglieder au chli us de gliche Region wäret zum en guete Standort für en Bandruum finde.
Mini Biografie bezüglich Musig:
Ich singe sitt ich denke chan, bin shomal inere Band gsi mit so 13/14ni, han im Duett gsunge mit anderne Sänger, bin imne Chor gsi, öfters ah Beerdigunge gsunde mit mim Duettpartner, kurz mich mal bi dsds im 19ni versuecht, leider het mer nöd viel vo mir gse, bin au nur bis zur uswahl für thailand cho und leider under de nöd usgtrahlte glandet. Danach hani ahgfange selber Musig produziere, da ich mehrheitlich au e lideschaftlichi Songwriterin bin. Han mich mit 1, 2 Songs uf Spotify versuecht, sehr viel besseri Songs nacher aber imne Musikstudioverein afah produziere (leider bis hüt nöd veröffentlich, da sie nie fertig mix/mastered worde sind), danach usem Verein ustrette (verschiedeni Gründ).
Ich bin lideschaftlich gern im Studio mini Songs am ufneh, jedoch ish es au chli en Geldfrag leider und oft het mir eifach das ungezwungene Singe gfehlt.
Warum ich jetzt au uf de Suechi nachere Band bin, isch dass ich gmerkt han, dass ich vorallem au live musig liebe und vermisse. Ich liebs uf Konzert gah nur weg de Instrument und de Akustik. Es bewegt mich sehr.
Was mis Ziel mit de Band wäri:
– Songs covere
– Songs probe
– Mit Band musig mache fürs gfühl
– Mit Band evlt. uftrette
– Videos mache und veröffentliche (Youtube, etc)
– Evtl. au en Serie uf Youtube mache mit immer verschiedene Gastsänger für Duetufnahme
– Duetsinge mit Band zeme
– Evtl. wenn das alles passe wür und ich die richtige lüt finde, au mini eigete Songs zeme mit de Band produziere
Mini Lieblings Artist, wo ich gern singe:
Ariana Grande, Ava Max, Nessa Barrett, Melanie Martinez, Post Melone, Madison Beer, Christina Aguilera, Adele, Olivia Rodrigo etc.
Wiemer das mitemne Bandruum macht bini leider biz unerfahre, da mir das frühner inere Schuel hend chönne mache. Ich han aber gse dass mer rüüm au miete chan für paar Stunde etc.
Spotifylink (mini Stimm het sich aber natürlich sehr veränderet): https://open.spotify.com/artist/3QjphiUEgb2Yji9vsXmsUY?si=tO6PPON9Rd2yJ_f0DKTtwQ
Instagram: shellyloreen
Bi Interesse gern kontaktiere:
michelle.lorena.roth@gmail.com
Ich wür mich uf eu freue.
- Eintrags-ID: 18345